Nakapasan iti House Committee on Higher and Technical Education ti House Bill No. 2778 wenno Student Internship Allowance Act a panggep a mangipaay ti pinansiyal a tulong kadagiti estudyante a mangisaysayangkat ti internship, practicum, wenno on-the-job training da kas paset ti panagadal.
Babaen daitoy a gakat ket makaawat ti ₱10k one-time internship allowance dagiti estudyante a naballigi a naileppas ti internship, practicum, wenno on-the-job training kadagiti kolehiyo ken technical-vocational institutions ti intero a pagilian.
Karaman pay a masakop ket ti pagplete mapan-ken-agawid iti training location da kasta met ti inaldaw-aldaw a taraon.
Segun kenni Representative Jude Acidre, bigbigbigen ti singasing a gakat ti napateg nga akem iti internship kas wagas para ti teoretikal a panagadal iti uneg dagiti classrooms ken ti aktuwal a lubong ti panagtrabaho.
Amin nga estudyante kadagiti pampubliko ken pribado a pagadalan ditoy Pilipinas ket agnumar, nu laketdi ti kolehiyo wenno unibersidad da ket rehistrado idiay Commission on Higher Education (CHED).
Ti allowance a maited ket non-taxable isu a buo a ₱10k iti maawat, kasta met a non-transferable wenno saan a mabalin a maiyakar iti nagan ti sabali a tao.
