BR LA UNION – Naamwanen ti Philippine Coast Guard (PCG) iti lokasyon ti M/V Trisha Kerstin 3.
Segun iti PCG, nakita ti barko iti uneg ti baybay idiay Baluk-Baluk Island.
Kinuna ti ahensiya a babaen ti panagtitinnulong ti Search and Rescue team a buklen dagiti ahensiya ti gobyerno ken volunteer a mangngalap ket nakita da ti maysa pay a bangkay.
Umaboten ti pakabuklan nga 43 ti bilang dagiti natay iti insidente bayat a dagiti nakalasat ket 316.
Maipalagip a limned ti barko iti kabaybayan a paset ti Basilan idi parbangon ti Enero 26, a nakaigapwan iti panang-suspinde ti Maritime Industry Authority (MARINA) iti operasyon ti Aleson Shipping Lines, ti kumpanya nga akinkukua ti nasao a barko.
