BR LA UNION – Baro a warrant of arrest iti inyetnag ti San Pablo Regional Trial Court idiay Laguna kontra iti negosyante a ni Charlie “Atong” Ang ken lima pay a co-accused.
Iti warrant of arrest manipud RTC Branch 29 ket inyetnag ni Judge Luvina Roque gapu iti kaso a kidnapping with serious illegal detention nga adda pakainaiganna iti panagpukaw dagiti sabungero.
Kabilang a naiyetnagan ti warrant da Ryan Jay Orapa, Alfredo Uy Andes, Philip Almedilla, Joey Encarnacion ken Aaron Ezrah Cabillan.
Dagiti nasao a kaso ket awan ti kaibatuganna a piyansa.
Maipalagip nga agtultuloy a sapsapolen dagiti otoridad ni Ang nga addaan ti patong iti ulo a P10 milyon para iti nadardaras a panangsapol kenkuana.
