Pinasingkedan ti Armed Forces of the Philippines (AFP) nga awan ti agdama a “credible” a pangta iti teritoryo ti pagilian karaman dagiti Pilipino wenno ganggannaet, iti agtultuloy a tension idiay Middle East a nagtaud iti joint attack ti Estados Unidos ken Israel idiay Iran a nagresulta ti panangibales ti Islamic country.
Iti statement ti Armed Forces of the Philippines idi rabii ti Domingo, Marso 1, nainget iti panangmonitorda kadagiti developments iti rehion babaen iti koordinasion ti Department of National Defense ken dadduma pay nga ahensia.
Impasiguradoda iti publiko nga agtaltalinaed a natalged iti kasasaad ti national security, ken imbalakad nga agtalinaed a kalmado, agannad kontra ti biddut nga impormasion ken umasideg kadagiti verified government sources.
Nakasagana met ti AFP a mangsuporta iti posible a repatriation dagiti Pilipino kadagiti apektado a lugar no maibilin daytoy.###
