Pormal a nangipila ni Bise Presidente Sara Duterte iti kaso a perjury kontra kenni Ramil Madriaga iti Taguig City Prosecutor’s Office ita nga aldaw, Marso 4, 2026.
Dinakamat ni Duterte a nagpammarang a campaign supporter ni Madriaga a naakusaran iti kaso a kidnapping, sakbay a nagparang kas saksi iti impeachment kontra kenkuana.
Maipalagip a ni Ramil Madriaga ket sigud nga staff ti Office of the Vice President nga idi agangay ket nangisubmitir ti affidavit a mangibagbaga a pinunduan dagiti drug dealers ken Philippine Offshore Gaming Operators (POGOs) iti kampania ni Duterte.
Karaman iti testimoniana kadagiti dokumento a naisubmitir iti maikatlo nga impeachment complaint kontra iti Bise Presidente, nga agdama a taltalantanen ti House Committee on Justice.
Ti reklamo ket addaan ti innem a basaran a pakairamanan iti maipagarup a plunder, graft, misappropriation of funds, ken pangta a panagpatay.
Impaganetget ni Duterte, saan a mabalin nga baybay-an a maallalilaw iti publiko kadagiti naimbento nga estoria, ken ti abogadona a ni Atty. Paolo Panelo Jr. iti sumango iti media tapno sungbatan dagiti saludsod mainaig iti nasao a kaso.###
