BR LA UNION – Nakaragsakan ni President Ferdinand Marcos Jr. iti baro itan a Kamuning footbridge ken bus station, nga immuna a target a maileppas iti innem a bulan ngem nalpas iti uneg laeng ti uppat a bulan.
Daytoy ket kalpasan nga ininspeksyon ni President Ferdinand Marcos Jr., iti natarimaan ken napapintas a walkway wenno footbridge idiay EDSA Kamuning Station tapno aramiden a mas nalag-an ti biyahe dagiti commuter iti inaldaw.
Impaganetget ti Presidente a napateg a mapalag-an iti biyahe ti aganay 750,000 a pasaheros nga agus-usar ti MRT ken bus nga inaldaw.
Innayon pay ti Presidente, a siguradwen na iti naurnos ken agtultuloy a maintenance dagiti baro a pasilidad.
Iti Kamuning Footbridge ken Busway Station Project ket paset iti modernisasyon ti EDSA Busway System a maysa kadagiti kangrunaan a programa iti pampubliko a transportasyon ti Department of Transportation a nagbinnuligan nga impatungpal ti MMDA ken DPWH.
Na-disenyo daytoy kas intermodal transport system a mangipaay ti naurnos ken natalged nga access kadagiti commuters.
Kabayatanna, immuli da President Marcos Jr., First Lady Liza Marcos ken Presidential son Vinny Marcos iti barbaro itan a foot bridge nga immunan a nabirngasan a Mount Kamuning foot bridge idiay Quezon City.
Ngem ita, addaanen daytoy ti mas nababbaba nga agdan, adda metten elevator ken wheelchair lift para kadagiti senior citizen, persons with disability, ken dadduma pay a marigatang nga umuli iti agdan.
Nagbalin nga infamous ken nabirngasan a “Mt. Kamuning,” agsipudta maysa daytoy a nine-meter-high pedestrian bridge nga addaan ti 154 steps ken natarik nga elevation.
Umabot iti pakabuklan nga P87 milyon a pisos ti nailatang a pondo ti gobyerno para iti nasao a proyekto.
