LA UNION – Nadundunor ti maysa a BJMP personnel iti napasamak a self-vehicular accident iti national highway a sakupen ti Barangay Rabon, Rosario, La Union, idi kalman Marso 5, 2026, agarup alas-3:40 ti parbangon.
Nabigbig iti biktima a 30-anyos, addaan asawa, maysa a jail officer, ken netibo ti Barangay Bari, Mangaldan, Pangasinan ken agdama nga agnanaed idiay Barangay Cataguintingan, Rosario, La Union.
Maibasar iti inisial nga imbestigasion ti Rosario Municipal Police Station (MPS), agdaldalyasat iti biktima iti northbound inner lane ken idi nakasangpet isuna iti nakapasamakan ti aksidente ket naawanan isuna ti kontrol iti manibela gapu ti nagalis a dalan nga ingubuay ti nagayos a danom manipud ti tallo a frozen closed van a nakaparada iti kalsada.
Gapu ti pasamak ket nakapasar iti biktima ti pannakadangran kadagiti nadumaduma a paset ti bagina.
Naiturong daytoy iti Region 1 Medical Center Annex idiay Barangay Bonuan Binloc, Dagupan City, Pangasinan para iti medikal nga atension.
Nadadael met iti makinkannawan a sikigan ti behikulo ken saan pay a masinunuo iti balor ti pannakatarimaan wenno pannakasukat ti paset a nadadael.###
[Reference: Rosario MPS, LUPPO]
