Agsagsaganan ti Department of Energy (DOE) para ti ‘worst-case scenarios’ gapo iti agtultuloy a gyera idiay Middle East.
Segun kenni Energy Secretary Sharon Garin, naaddaan dan ti panagtataripnong kadagiti nagduduma nga ahensya ti gobierno kasta met dagiti mangibagi kadagiti kompanya ti langis.
Nadakamat dagitoy dagiti wagas nu kasatno a sungbatan ti posible a krisis apaman agsaknap ti gyera ditoy Asia, Europa, ken ti intero a lubong.
Impasigurado da met nga ipangpangruna da latta iti kaadda ti umdas a supply ti langis ditoy Pilipinas kasta met a magatang daitoy ti makabael a presyo.
