Nangipatungpal ti nalawa a rigodon wenno balasa ti uneg ti Philippine National Police (PNP) kadagiti nangangato nga opisyales babaen ni PNP Chief Police General Jose Melencio Nartatez Junior.
Maibasar ti general orders a pirmado ni Directorate for Personnel Records and Management Police Major General Constancio Chinayog Jr., nakailanad nga epektibo ita nga aldaw ti Lunes, Marso 9, iti panagbalasa ti posisyon ken destino dagiti opisyales ti organisasyon.
Naidutok kas baro nga hepe ti Special Action Force (SAF) ni Police Brigadier General Kenneth Lucas a sigud a Regional Director ti Police Regional Office 4A. Sublaten met ti nabati na a puwesto ni Police Brigadier General Hansel Marantan a sigud nga hepe ti Highway Patrol Group.
Iti met nabakante a pwesto ni Marantan ket sublaten ni Police Brigadier General Jessie Tamayao, sigud nga Executive Officer ti Directorate for Police Community Relations.
