Pinagkedkedan ti korte suprema ti India iti petisyon a kumidkiddaw ti national policy a menstrual leave kadagiti babbai a mangmangged ken estudyante.
Segun kadagiti mahistrado, ti kastoy a linteg ket mabalin a mangigubuay ti diskriminasyon agsipud ta amangan awan ton iti mang-hire ti babai.
Indauloan ni Chief Justice Surya Kant ti dua-hukom a lupon a nagkuna a ti mandatory leave ket makapagpanunot kadagiti babbai a saan da a patas iti lallaki ken mabalin a makadakes iti professional growth da.
Nabayagen a gudwa ti kapanunotan dagiti umili ti India seknan ti menstrual leave. Adda dagiti nagkuna a nasayaat dagitoy para ti salun-at, bayat nga agtalek met dagiti dadduma a mangpataud laeng daitoy ti stereotype a nakapkapsot dagiti babbai.
Kadagiti estado ti Bihar, Odisha, ken Karnataka, ket adda iti limitado a menstrual leave para kadagiti empleyado ti gobierno ken unibersidad. Sumagmamano pay a dadakkel a kompaniya ti mangipatpatungpal iti bukod da a polisiya para kadagiti empleyado da.
Nupay kasta, impaganetget ti korte a ti national policy ket rumbeng nga adalen a nalaing ti gobierno, agraman dagiti stakeholders, sakbay a maipatungpal.
Ti desisyon ket nanglukat manen iti debate idiay India a nu ti menstrual leave ket addang kadi agturong iti gender equality wenno nakarkaro na laeng nga itantandudo ti stereotype kontra kadagiti babbai?
