Binilin ni Presidente Ferdinand Marcos Junior ti panagtultuloy dagiti repatriation flights tapno mapaawid dagiti apektado a Pilipino gapo iti gyera idiay Middle East.
Kinuna ni Executive Secretary Ralph Recto nga agtultuloy dagiti humanitarian airlifts ti gobierno babaen ti Air DMW ni Secretary Hans Leo Cacdac nga iti agdaman ket 1,100 a Pilipino ti napaawid, pakairamanan dagiti addaan ti sakit a nailugan babaen ti medical evacuation.
Idi Marso 15, 2026, agdagup ti 343 nga Overseas Filipino Workers ken dagiti pamilya da manipud Riyadh, Al Khobar, ken Bahrain, ti inyawid ti maysa a “mercy flight.”
Innayon ni Recto nga adda manen ti chartered flight a naisagana sakbay nga agleppas ti bulan kasta met a dagiti evacuation efforts idiay Israel, Kuwait, ken Bahrai. Maala ti pondo manipud iti P2-B nga AKSYON fund ti Department of Migrant Workers.
Sakopen daitoy dagiti libre a panagbiahe, taraon, pagdagusan, counseling, ken serbisyo-medikal.
Adda met dagiti programa a tulongan dagiti repartees a makabirok ti trabaho da ditoy pagilian a kas ti oportunidad iti panangisuro kadagiti pampubliko a pagadalan, babaen ti pannakikoordinar ti Department of Education.
