BR LA UNION – Dinadael dagiti otoridad dagiti nadiskubre a marijuana plants, nga agbalor ti nasurok ₱22.8 million, manipud iti makalawas nga eradication campaign idiay Cordillera Administrative Region.
Maibasar iti report, manipud Abril 6 agingga Abril 12 adda ti pakabuklan a 18 nga operasyon iti inwayat dagiti otoridad kadagiti kabantayan idiay probinsiya ti Benguet ken Kalinga.
Nagresulta daytoy iti pannaka-diskubre ken pananguram iti aganay 71,873 a fully grown marijuana plants, 22 seedlings, ken 70,610 a gramo ti dried marijuana stalks.
Kabayatanna, maysa a high-value individual iti inarestar dagiti otoridad kabayatan ti operasyon idiay Benguet.
Aganay ₱18 million a balor ti marijuana ti nadadael idiay Benguet bayat nga ₱4.8 million idiay Kalinga.
Mainaig ti daytoy, siniguro ni PNP Chief, Police General Jose Melencio C. Nartatez Jr., nga agtultuloy iti operasyon kontra ilegal a droga, nangruna kadagiti pagtataudan dagitoy.
Kinuna na a nu madadael dagiti plantasyon, malapdan met ti panagwaras ti ilegal a droga.
