BR LA UNION – Kinumpirma ti testigo a ni Ramil Madriaga a personal a bimmisita iti detention cell na ni Vice President Sara Duterte idi October 2025.
Daytoy ket maisupadi iti imbaga idi ni VP Sara nga awan ti personal wenno propesyonal a pakainaiganna kenni Madriaga.
Iti sinapataanna a salaysay, imbaga ni Madriaga a nakita na ni Duterte bayat ti pannakaiturong na iti opisina ti jail warden idiay Camp Bagong Diwa, Taguig, immisem ken nagpayapay kenkuana.
Segun kenni Madriaga, nakasarita na ni Duterte iti telepono, ket nagsalodsod maipapan iti kasasaad na ken maipagarop a kimmiddaw ti dispensar iti saan na a panagtulong iti kaso daytoy.
Inlanad pay ni Madriaga a nakarikna isuna ti pannakadismaya, nangruna idi akusaran ni Harry Roque a nangidatag ti kaso a kidnapping kontra kenkuana kas bales iti maipagarop nga inbutaktak na a land-grabbing idiay Bataan.
Impaganetget ni Madriaga, ti insidente ket pammaneknek nga adda direkta a pakainaiganna kenni ni Duterte, maisupadi iti immuna a waragawag na.
