CABA, LA UNION – Nangisayangakat iti Lokal a Gobyerno ti Orientation para kadagiti 252 a binipisyaryo ti Tulong Panghanapbuhay sa Ating Disadvantaged/Displace Workers (TUPAD) idiay Diego Silang Covered Court.
Dagiti benipisyaryo ket naggapu ti Barangay San Cornelio, Sobredillo, San Fermin, San Fermin, San Jose, Santiago Norte, Santiago Sur, San Gregorio, ken Liquicia.
Panggep daytoy nga aktibidad nga ikkan ti pakaammo dagiti TUPAD beneficiaries dagiti nasken nga aramiden bayat ti panagtrabahoda iti sidong ti nasao a programa.
Kabayatan ti orientation, naisuro kadagiti benipisyaryo dagiti karbengan, protocols, ken pakabuklan iti trabaho da.
Kabinnulig ti DOLE dagiti Lokal a Gobyerno iti programa nga addaan panggep a mangited ti temporaryo a panngedan kadagiti umili.
Impaganetget met iti nasao a ili a dimmalan iti umno a proseso iti pinagpili kadagiti beneficiaries.
Iti sabali a bangir, napalaos a nagyaman dagiti benipisyaryo para iti lokal a gobyerno.
Kabaytanna, inyebkas LGU Caba iti commitmentda a mangited iti napaspas a serbisyo publiko ken pagbiyagan dagiti umili. (Report by Bombo Danico)
Photo Courtesy: Local Government Unit – Caba, La Union
