BR LA UNION – Tinakderan ti Armed Forces of the Philippines (AFP) nga awan ti panaglabsing iti karbengan pantao iti napasamak nga engkuwentro kadagiti maipagarop a miyembro ti New People’s Army (NPA) idiay Toboso, Negros Occidental.
Segun kenni Army Spokesperson Col. Louie Dema-ala, iti aganay 19 a natay a nakita da ket adda iggem da nga armas .
Kabilang kadagiti natay ti student leader, researchers ken mangisursuro.
Na-beripika da metten ti pakabigbigan dagiti natay ket siniguro ti puwersa armada ti pagilian a mangipaay da ti seguridad iti lugar.
Kabayatanna, pinaglibakan met ti Philippine Army a sibilyan ti sumagmamano a natay iti engkwentro idiay Negros Occidental.
Segun iti Army official a propesyunal ti panagresponde dagiti suldado manipud 79th Infantry Battalion ken maiyannurot iti International Humanitarian Law.
Inlawlawag na pay a saan a sap-sapolen ti Armed Forces of the Philippines dagiti tao, nudiket nagresponde da iti tawag ti komunidad para iti proteksiyon.
Maipalagip a napasamak ti rinnupak idi Lunes ken inpadamag ti Philippine Army a 19 iti maipagarop a miyembro ti New People’s Army ti natay iti serye nga engkwentro kontra iti tropa ti gobyerno idiay Barangay Salamanca.
