Kitaen ti National Bureau of Investigation dagiti sumagmamano a vloggers ken online content creators a maipagarup a karaman iti extortion ken pangta a kasukat ti kuarta.
Segun kenni Bureau of Investigation Director Atty. Melvin Matibag, imbestigaran met ti ahensia dagiti dadduma nga indibidual nga addaan iti kapada nga aramid.
Daytoy nga statement ket naaramid kalpasan a naarestar ti NBI ni Franco Mabanta ken sumagmamano a kakaduana iti kaso ti extortion.
Maibasar iti imbestigasion, mapapati a dimmawat dagiti suspek ti ₱300 million kenni Martin Romualdez kasukat iti saan a panangiruar ti video expose a mainaig iti alegasion ti kurapsion kontra iti mammanday-linteg.
Natiliw ni Mabanta iti entrapment operation nga insayangkat ti NBI.
Inlibak ni Mabanta dagiti alegasion ken impaganetget a a “set-up” iti pannakaarestona. Kenunana, inosenteda ken maibilang a panagatake iti press freedom iti operasyon kontra kenkuada.
Nainget nga inlibak ti NBI daytoy ken kinunana a ti operasion ket naibasar kadagiti naurnong nga ebidensia.
Impaganetget met ni Matibag nga awan ti pakainaigan ti kaso iti politika ken saan a target ti ahensia dagiti kritiko ti administrasion ni Presidente Ferdinand Bongbong Marcos.
Innayonna a rumbeng a ngaa agsungbat dagiti agus-usar ti panangdadael ken pammutbuteng tapno makagun-od ti kuarta wenno posision.###
