Napagnunumuan ti Pilipinas ken Vietnam a papigsaen iti supply ti bagas kas paset iti napaut a food security ti pagilian.
Segun kenni Agriculture Secretary Francisco Tiu Laurel Jr., paset daytoy ti nalawlawa a plano ti gobierno a mangpapigsa iti trade partnerships kadagiti napateg nga agricultural partners ti pagilian.
Nabukel iti katulagan kalpasan ti high-level discussion dagiti opisial ti Pilipinas, a pakairamanan da Presidente Ferdinand Marcos Jr., ken Vietnamese Prime Minister Lê Minh Hưng iti sidelines ti 48th ASEAN Summit idiay Cebu.
Babaen ti maysa a tawen a katulagan, mangipaay iti Vietnam ti nasurok-kumurang 1.5 million a metriko tonelada a bagas iti Pilipinas.
Manamnama a makatulong daytoy a mangpapigsa iti national buffer stocks ken mapagtalinaed a natalged iti presio ti bagas iti tengnga ti supply pressure.
Segun ti Department of Agriculture, manamnama a sumangpet iti umuna a shipment ti imported rice manipud Vietnam inton Abril 2027 no naan-anay a maisapinal iti katulagan.###
