BR LA UNION – Iti panagturpos ti Philippine Military Academy Class of 2026, impalagip ni Presidente Ferdinand Marcos Jr. kadagiti kadete a ti kinapudno ket rumbeng a nakasentro iti Konstitusyon ken saan nga iti anyaman nga interes iti pulitika, indibidwal, wenno ideolohiya.
Impaganetget ti Commander-in-Chief a dagiti baro nga opisyal ket kasapolan nga agbiag iti prinsipyo a “never lie, never cheat, never steal and never tolerate those who do.”
Segun kenni Marcos Jr., ti panagulimek iti tengnga ti biddut ket maysa a klase ti panag-traydor iti pudno a serbisyo iti ili, ken iti mismo a prinsipyo nga ingkari a mangdepensa.
Innayon na, iti integridad ken kinapudno ket pundasyon ti pudno a serbisyo publiko ket rumbeng nga agbalin a giya ti tunggal opisyal iti pagrebbengan.
Kinablaawan ti Presidente dagiti nagturpos ken inallokoy na dagitoy nga agbalin nga ehemplo ti tured ken dedikasyon iti panangdepensa ti soberanya ti pagilian.
Iti panagbetla na, nainget nga impalagip na a ti pudno a panangidaulo ket agtaud iti prinsipyo ti Konstitusyon ken saan a gamrud a panagserbi kadagiti umili a Pilipino.
