BR LA UNION – Dismayado ni Ombudsman Jesus Crispin Remulla iti panagkedked ti Senado nga awaten ti inyetnag na a subpoena.
Ti subpoena ket nairuar tapno maala dagiti CCTV footage ken dadduma pay a records idiay Senado kas paset ti imbestigasyon iti napasamak a shooting incident.
Naigiddan daytoy iti suspensiyon nga impataw ti Ombudsman kenni Senate Acting Sergeant ken Arms chief Mao Aplasca gapu ti nasao a shooting incident.
Segun kenni Remulla, nagkaproblema iti process server ti Tanodbayan iti panagdeliver ti subpoena agsipudta saan a kayat nga awaten ti Senate.
Daytoy ket laksid kunana ti opisyal a notice nga inruar ti nasao nga opisina.
Nupay kasta, tinakderan ni Remulla a para kenkuana ket ‘considered served’ iti subpoena nga uray saan nga inawat ti nangato a pagpandayan linteg ti Kongreso.
