BR LA UNION – Naallokoy dagiti turista ken residente a sumurot iti linteg trapiko ken safety ordinances iti amin nga oras.
Mainaig ti daytoy, pormal nga inyuswat ti La Union Police Provincial Office(LUPPO), kadwa da ti Department of Tourism (DOT) ken lokal a gobyerno, a papigsaen ti Tourist Police Unit tapno mabantayan ti urnos ken talna kadagiti bisita.
Idi May 14, 2026 wenno uppat nga aldaw kalpasan ti viral dance video, nagpirma ti Department of Tourism (DOT) Region 1, La Union Police Provincial Office (LUPPO), ken ti Provincial Government of La Union para iti maysa a Memorandum of Understanding (MOU) tapno maipatakder ti maysa a Tourist Police Unit.
Maiyannurot iti RA 9593 wenno Tourism Act of 2009, iti partnership ti mangsiguro iti panagdur-as ti insdustriya ti turismo ditoy La Union ken agtaltalinaed a top priority iti kinatalged dagiti residente ken bisita.
Ti nasao a kolaborasyon iti mang-marka ti napateg nga addang tapno pagbalinen a natalged ken naganaygay iti masakbayan ti San Juan, a nabirngasan kas Surfing Capital of the North.
Mainaig iti nagbalin a viral a video dagiti turista idiay tengnga kalsada ti San Juan, La Union, a makita nga agsalsala, impaganetget ni Assistant Regional Director Evangeline M. Dadat – Department of Tourism Region 1 , a masapul nga agbalin a responsable ti tunggal turista, sadinuman a lugar ti pagturongan.
Segun kenni Dadat , mabalin met nga agsala dagiti bisita ngem masapul nga ilugar, saan a kas ti napasamak idiay San juan gaputa nalawag a delikado daytoy ken pannaka-singa ti trapiko.
Inaklon ni Dadat nga adda responsibilidad dagiti otoridad ken iti Department of Tourism Region 1, Provincial Government of La Union, ken Local Government Unit of San Juan tapno masigurado ti kinaurnos ken kinatalged dagiti lugar a pagpasyaran.
Ngem nu maminsan ket agbal-balin a reckless iti dadduma a turista, isunga impalagipna nga importante ti respeto ken panangadal ti kultura iti maysa a lugar.
