Impakaammo ni Sen. Sherwin Gatchalian a nakasagana isuna nga agbalin a Senate President no kasapulan, iti tengnga ti agtultuloy a saritaan maipapan iti posible a panagbalbaliw iti liderato ti Senado.
Iti maysa nga interview, kinuna ni Gatchalian a tinalantan ti minority bloc dagiti sumagmamano a posibilidad maipanggep iti sitwasyon ti Senado, ngem nagkedked isuna a mangibinglay ti kanayunan a detalye.
Agrikrikos iti isyu kadagiti report ti maipagarup a “kudeta” maibusor kenni Senate President Alan Peter Cayetano, nupay awan pay ti kumpirmasyon iti nasao nga addang.
Ni Gatchalian ket maysa kadagiti 11 a miembro ti minority bloc a kimmontra iti pannakaipatugaw ni Cayetano, a sinuportaran met dagiti 13 a senador pakairamanan ni Sen. Ronald “Bato” dela Rosa.
Segun pay iti senador, tarigagay na nga unaen iti pannakaisubli ti dignidad ken imahe ti Senado.
Nupay kasta, iti naisina a waragawag, imbaga ti mammanday-linteg a prayoridadda iti panagtrabaho ken panangisubli iti normal a legislative agenda, nga arigna naan-annad maiyarig iti statement-na iti radyo maipapan iti panagbalin na nakasagana iti liderato.###
