BR LA UNION – Agtultuloy a sebseb-seban ti Bureau of Fire Protection (BFP) ti timpuar nga uram idiay Parola compound, Binondo, Manila.
Napasamak ti insidente pasado alas-tres itay malem ti Sabado, Mayo 23.
Agdama a nakangato ti alarma iti Task Force Charlie.
Nagpatulong metten ti gobyerno siyudad ti Manila iti Philippine Air Force para iti napartak a panangsebseb ti uram.
Iti agdama, saan pay nga ammo ti nakaigapwan ti uram ken agtultuloy iti imbestigasyon ti BFP nu adda casualties ken manu a balay ti apektado iti uram.
