BR LA UNION – Mabalin nga usaren ti Philippine National Police (PNP) iti posible a pannakipaset ni Senator Ronald “Bato” dela Rosa kadagiti sesyon idiay Senado babaen ti video conferencing, tapno maamwan ti lokasyon, ingkaso a maaprobaran iti gakat a panang amyenda iti rules ti senado.
Rimuar ti isyu iti tengnga ti nabara a debate iti baetan ti Senate majority ken minority blocs seknan iti singasing nga amyendaran iti rules tapno palubosan dagiti senador nga agbotos ken makipaset iti sesyon nga uray adda iti adayu babaen ti online video conferencing.
Kinuwestyon ti sumagmamano a miyembro ti minority iti gakat, agsipudta amken da a mabalin nga usaren dagiti mammanday linteg nga adda sangsangwenna a kaso, imbestigasyon, wenno arrest warrant, kabilang ni Dela Rosa.
Nupay kasta, imbaga ti PNP nga uray ipalubos iti remote participation, mabalin a makatulong daytoy kadagiti otoridad tapno matunton iti senador.
Ni Dela Rosa ket mairamraman iti kaso a crimes against humanity of murder idiay International Criminal Court (ICC) gaputi kampanya kontra droga idi administrasyon ni sigud a presidente Rodrigo Duterte.
Nadakamat pay iti diskusyon idiay Senado, da Sen. Bong Go kas co-perpetrator iti ICC complaint, ken dadduma pay a senador nga addaan ti sabali a reklamo ken imbestigasyon.
NATIONAL______PBBM IN JAPAN
headline: PBBM, RINAEM NA TI PANAGGAYEM TI PILIPINAS KEN APAN
TOKYO, JAPAN – Rinaem ni Presidente Ferdinand R. Marcos Jr. iti natibker ken nasayaat a relasyon ti Pilipinas ken Japan iti naisayangkat nga State Banquet a sagut da Emperor Naruhito ken Empress Masako idiay Imperial Palace.
Iti panagbetla na, impaganetget ti Presidente ti natibker a panaggayyem ken maymaysa a tarigagay ti dua a pagilian, kagiddan ti panangbigbig iti napateg a papel ti Japan kas maysa a kangrunaan a kabinnulig ti Pilipinas iti tay-ak ti panagdur-as, seguridad, imprastruktura, agrikultura, konektibidad, ken kinatibker kontra kadagiti karit.
