Impaganetget ni House lead prosecutor ken Batangas Rep. Gerville “Jinky Bitrics” Luistro a mabalin latta nga ag-preside ni Acting Senate President Win Gatchalian iti impeachment trial kontra kenni Bise Presidente Sara Duterte nga uray saan isuna nga abogado.
Segun kenni Luistro, adda iti kabaelan ni Gatchalian nga ag-akem kas presiding officer gapo iti gaget ken kapadasan na a kas mamanday-linteg.
Kinunana a ad-adalenen ti baro a Presidente ti Senado dagiti impeachment rules ken maimaton na a naannayas ken seryoso iti pakabuklan a proseso.
Dinakamat pay ni Luistro a babaen iti naamyendaran nga impeachment rules ket mabalin pay iti pannakaidutok wenno mangbotos iti Senado ti presiding officer.
