Pinasingkedan ti Department of Education (DepEd) a 6,224 a pagadalan idiay Mindanao ti naapektaran iti magnitude 7.8 a ginggined itay bigat. Daitoy a datos ket manipud kadagiti lima a rehiyon nga apektado iti panagdayeg.
Segun iti DepEd, apektado pay ti nasurok-kumurang 3.2M nga estudyante ken 128K a mannursuro ken school personnel.
Inwaragawag ni Education Secretary Sonny Angara iti suspensyon ti klase ken awan pay iti sigurado a bilang ti aldaw nu kasatno kapaot iti suspension.
Kabayatanna, imbilinen ti DepEd kadagiti amin a pagadalan a papigsaen ti panagsagana da iti ginggined, karamanen ti evacuation procedures ken masansan nga earthquake drills para ti kanito dagiti aniaman nga emerhensya.
