BR LA UNION – Kinumpirma ni Senate President Pro-Tempore ken Acting Senate President Sherwin Gatchalian nga agsubli ti sesyon idiay Senado ita nga aldaw ti Lunes, Hunyo 15, 2026, iti laksid ti isyu iti liderato ti senado.
Segun kenni Gatchalian, maipatungpal ti mas nairut a seguridad idiay Senado ita nga aldaw ti Lunes, kabilang iti “no visitor policy” kas paset iti precautionary measures gaputi maipagarop a pangta iti seguridad nga impadamag ti National Bureau of Investigation wenno NBI.
Immunan a nangirwar ti memorandum iti opisina ni Gatchalian idi Hunyo 9 tapno ipatungpal ti heightened security protocols.
Nupay kasta, saan a nalawag nu anya a klase ti convening ti maisayangkat ita nga aldaw, agsipudta awan pay ti nairwar a detalye, nu daytoy ket regular session, organizational meeting, committee hearing, wenno dadduma pay nga special proceeding.
Kagiddan daytoy, agtaltalinaed a saan nga agtinunos liderato ti Senado.
Ipagpaganetget ni Senator Alan Peter Cayetano, nga umdas ti botos dagiti 13 senador tapno ma-validate iti eleksyon ti Senate president, bayat nga agtultuloy a pagdedebatian iti nagbalin a proseso ti panangidaulo idiay Senado.
