Binabalaw ni House Trial Spokesperson ken Lanao del Sur Representative Zia Alonto Adiong ti insubmitir a pre-trial brief ti defense team ni Bise Presidente Sara Duterte sadiay Senate Impeachment Court, a kunana ket atiddog ngem kurang met ti nilaon na.
Segun kenni Adiong, namnamaen da a naglaon daitoy kadagiti ebidensya ken detalyado a sungbat kadagiti alegasyon a nakailanad iti Articles of Impeachment.
Dismayado isuna nga adu kadagiti testigo ken dokumento nga inlista ti depensa ken karaman metlaeng kadagiti ebidensya ken potensyal a testigo ti House Prosecution Panel.
Impaganetget ni Adiong a saan a pinnaadu kadagiti panid, testigo, wenno dokumento ti basaran ti maysa a depensa, imbes ket nu kasatno na a masungbatan ti tunggal alegasyon.
