Pimmigsa ti Severe Tropical Storm Francisco kabayatan iti panagdalyasat na iti Philippine Sea.
Maibasar iti Tropical Storm Bulletin #2 ti PAGASA, naudi a nasaripatpatan iti sentro ti bagyo iti kaadayo a 1,315 km Daya ti Southern Luzon.
Kabuyog ti bagyo Francisco iti kapigsa ti angin a 100 km/h asideng ti tengnga ken kapegges nga agingga 125 km/h. Dupdupagen na iti Laud Amianan-a-laud iti kapaspas a 25 km/h.
Awan ti lugar a nakapasidong ti Wind Signal ngem mangipaay iti tartaraipos ti bagyo iti mawaraswaras a panagtudo ken panagguruod kadagiti lugar idiay Bicol Region ken Eastern Visayas.
Iti forecast track ti weather bureau, manamnama nga agtalinaed iti bagyo iti Philippine Sea iti pakabuklan a forecast period. Nupay kasta, saan a maikkat iti posibilidad nga umasideg daytoy iti Extreme Northern Luzon.
Agturong iti bagyo iti laud amianan-a-laud a direksion aginggana inton aldaw ti Martes, Hunyo 23, ken bumuntog kabayatan ti panagdupag na iti amianan a direksion para iti nabatbati a forecast period.
Agtultuloy daytoy a pumigsa ket mabalin a madanon iti typhoon category ita nga aldaw ken madanon iti peak intensity daytoy inton bigat, Hunyo 22 wenno inton Martes. Kalpasan daytoy ket manamnama iti panagkapsot na.
Ti Southwest Monsoon wenno Habagat iti mangipaay dagiti mawaraswaras a panagtudo ken panagguruod idiay Mindanao, nabatbati a paset ti Visayas, ken Palawan.
Bayat a Localized Thunderstorms iti mangigubuay ti mapatto-pattok a panagarbis idiay Metro Manila ken ti nabatbati a paset ti pagilian.
SUNRISE: 5:19 AM
SUNSET: 5:59 PM
