Marikna pay laeng dagiti aftershocks kalpasan iti napigsa a Magnitude 7.8 Offshore Mindanao Earthquake a timmama idi Hunio 8, 2026.
Segun kadagiti kaudian a rekord dagiti seismologist, dimmanon iti 9,372 dagiti recorded events, no sadino 2,425 kadagitoy ti na-plot ken 97 iti narikna ti publiko. Ti pigsa dagiti aftershock ket adda iti nagbaetan ti Magnitude 1.2 agingga iti 6.4.
Nupay nakapsut ti kaaduan a panagdayyeg ken saan a makadadael, agtaltalinaed nga alerto dagiti otoridad ken agtultuloy iti panagmonitor ti PHIVOLCS tapno masigurado ti kinatalged dagiti umili.
Mabalakadan iti publiko nga agtalinaed a nakasagana ken suroten dagiti pakaammo ti lokal a gobierno.
Daytoy nga Offshore Earthquake ket maysa kadagiti kapigsaan a nairekord ita a tawen iti pagilian, a nakaigapuan ti apagapaman a tsunami.
Nupay kasta, dagus a pinasingkedan dagiti eksperto nga awan iti pangta ti napeggad a tsunami kalpasan ti insidente.###
