PARIS, France — Nasurok a 240 a tattao iti naaresto bayat a nairekord ti sumagmamano nga insidente ti pammagkong, maipagarup a panangrames, seksual a panagatake ken panangraut babaen kadagiti renggilia iti tinawen a Fête de la Musique, ti kadakkelan nga open-air music festival idiay Francia.
Segun iti French Interior Ministry, addan ti 243 iti naarestar iti intero a pagilian, karaman ti 148 idiay Paris.
Dua a tattao, maysa a 40-años a lalaki ken maysa a babai, ti nasugatan iti nagsina a pammagkong iti siudad ti Toulouse ken iti asideg a Colomiers idi agsapa ti Lunes. Naitaray da iti pagagasan ken natalgeden ti kasasaadda.
Im-imbestigaran met dagiti autoridad dagiti report ti saan a bumaba ti dua a maipagarup a panangrames ken dadduma pay a kaso ti seksual a panagatake. Maysa a babai iti 9th arrondissement ti Paris iti naipadamag a natutdokan ti renggilia sakbay ti maipagarop a pannakarames na iti maysa a pribado a pagtaengan.
Kabayatanna, naarestar iti maysa a 48-anyos a lalaki gapu iti maipagarup a panangabusona iti 12-anyos a balasitang idiay Gagny, idinto a maysa met a 15-anyos a balasitang idiay Nogent-sur-Marne ti nangireport iti maipagarup a panagrames kalpasan a timmabuno iti konsierto.
Nasurok met a 10 nga insidente ti pannakaineksion babaen ti renggilia iti nairekord iti nadumaduma a lugar. Agtultuloy pay laeng iti imbestigasyon no adda ti substansia a naipahid wenno nai-inject kadagiti biktima.
Idiay Paris, naaddaan met ti riribuk gapu kadagiti report ti panagrarambol, panangburak kadagiti tawa ti kotse, pananggandat nga agtakaw kadagiti establisimiento, ken dadduma pay a krimen.
Mapattapatta a nasurok dua a milion a tattao iti timmabuno iti selebrasion idiay Paris. Kas panagsagana, dandani 5,000 a polis ken gendarmes ti naidestino iti kabesera.
Ti Fête de la Musique ket libre a tinawen a piesta ti musika a maang-angay idiay Francia iti nasurok 40 a tawen.
Idi 2025, naaddaan met daytoy dagiti report maipapan iti seksual a kinaranggas ken panangraut nga adda pakainaigan na kadagiti renggilia, a nangtignay kadagiti autoridad a mangipatungpal kadagiti kanayonan a pamay-an ti seguridad ita a tawen.
Saan pay a pinasingkedan dagiti otoridad ti sumagmamano kadagiti report ken agtultuloy iti imbestigasion.
