Naarestar dagiti 12 a suspek kalpasan a nagreport dagiti 145 a tattao a natutdokan da ti syringe wenno renggilia iti tinawen a Fête de la Musique idiay France, segun kadagiti otoridad idi Domingo.
Segun iti Interior Ministry, 145 a biktima ti nangipadamag iti panagatake iti intero a pagilian, karaman ti 13 a kaso idiay Paris. Saan pay a nalawag no mainaig daytoy iti panagusar iti makunkuna a date-rape drugs a kas iti Rohypnol wenno GHB.
Saan a bumaba ti tallo a biktima iti nakapadas ti panagulaw wenno dadduma pay a sintomas ken naipasidong ti toxicological test iti ospital.
Idiay Paris, nangrugi iti imbestigasion kalpasan a nagreport ti pammagkong dagiti tallo a biktima, karaman ti maysa a 15-años a balasitang ken 18-años a lalaki, iti nagsina a lugar iti siudad.
Kenuna ti Interior Ministry a dagiti 12 a naarestar a suspek ket mapapati a responsable iti panangraut kadagiti nasurok-kumurang 50 a biktima.
Malaksid ditoy, nasurok a 370 a tattao iti naaresto gapu ti nadumaduma a kaso mainaig iti panagrambak, karaman ti dandani 90 idiay Paris.
Naglak-am ti nakaro a pannakadangran dagiti 14 a nakipaset, karaman ti maysa a 17 anyos a nayospital kalpasan a nasarakan nga addaan bagsol iti makinbaba a paset ti tiyan na. Nasugatan met dagiti 13 a pannakabagi ti linteg.
