BR LA UNION – Bimuwelta ni Senator Kiko Pangilinan kadagiti mangibagbaga a dagiti menor de edad nga agtawen ti 15 agpababa ket awanan ti criminal liability iti sidong ti linteg ti Pilipinas.
Segun iti beterano a senador, biddut ken misleading ti nasao nga impormasyon.
Inlawlawag ti abogado a senador, saan nga exempted iti linteg dagiti ‘young offender’ wenno dagiti ubbing a nagbasol iti linteg, nangruna dagiti nakaaramid ti heinous crimes.
Kinuna na nga adda latta sungsungbatan dagitoy ket kasapolan a sumango iti inaramid da a krimen.
Kinuna na pay a saan a rumbeng a palubosan latta dagiti minor a suspect iti pammaltog, imbes ket kasapolan a dumalan iti proseso nga itudtuding ti Juvenile Justice Law.
Kabilang ditoy iti aggiddan a panagsungbat iti nagannak nu mapaneknekan nga adda panagkurang wenno inaramid da a panagbiddut.
