Impaganetget ti pannakangiwat ni Leyte Rep. Ferdinand Martin Romualdez a saan nga inraman ni sigud a Department of Public Works and Highways (DPWH) Secretary Manuel Bonoan ti sigud nga House Speaker iti maipagarop nga anomalya dagiti flood control projects.
Segun kenni Atty. Ade Fajardo, awan ti dinakamat ni Bonoan nga adda papel ni Romualdez iti statement a naisubmitir iti Independent Commission on Infrastructure, wenno kadagiti napalabas nga imbestigasyon.
Kinuna pay ni Fajardo a ti panagpili, panagpondo, ken pannakaipatungpal dagiti proyekto a mangkontrol iti layus ket karaman iti sanga ti Ehekutibo, ken awan ti direkta nga akem ni Romualdez kadagitoy a banag.
Kinuwestiyon pay ni Fajardo ti plano ti Office of the Ombudsman a mangusar iti testimonya ni Bonoan kas testigo ti estado.
Kinunana a direkta a nakipaset ni Bonoan kadagiti proyekto ken rumbeng nga umuna a pagungbaten kadagiti alegasyon a naipabasol kenkuana.
