BR LA UNION – Nangisagana ti La Union Police Provincial Office (LUPPO) iti calendar of activities kas paset ti panangrambak ti maika-31 a Police Community Relations (PCR) Month, a maiyannurot iti nasyunal a direktiba.
Ranta dagiti aktibidad a mapapigsa pay ti pannakaidanon iti serbisyo ti PNP kadagiti umili iti intero a probinsiya.
Maysa kadagiti kangrunaan a programa ket iti OPLAN BES (Bisita Eskwela) a mangsiguro ti kinatalged dagiti estudiyante ken natalged a panagadal kadagiti eskuwelaan.
Karaman pay kadagiti aktibidad ti panangpapigsa ti pannakikadua iti komunidad, panangisayangkat iti seminar kadagiti barangay maipapan iti panangliklik ti krimen, ken dagiti capacity building seminar para kadagiti pulis.
