Pagdandanagan a dumanon iti nasurok 500 a tattao iti pimmusay kadagiti dua a limned a bangka idiay Myanmar, segun iti United Nations (UN).
Napukawan iti komunikasyon iti umuna a bangka nga addaan iti sakay a nasurok 250 nga indibidwal, bayat a ti maikadua met a bangka ket napukaw limned sadiay Ayeyarwady coast nga addaan iti 280 a pasahero.
Kaadwan kadagiti tripulante ket refugee manipud iti Rohingya Muslim minority.
Segun iti UN High Commissioner for Refugees (UNHCR) ken International Organization for Migration (IOM), nagbiahe dagiti bangka iti ruar ti “regular sailing season,” nu katno a narungsot ken napeggad iti agpataaw.
Masansan nga agluglugan dagiti Rohingya kadagiti bangka tapno makalibas iti gyera idiay Myanmar ken napenpen a refugee camp idiay Bangladesh.
Panggep dagitoy a makadanon idiay Malaysia, Indonesia, wenno Thailand para iti nakapkapia a panagbiag.
