BR LA UNION – Imbutaktak ti sigud a Commission on Audit–Intelligence and Confidential Fund Audit Office (COA-ICFAO) State Auditor a ni Roderick Wamil nga umabot iti P40 milyon manipud confidential funds ni Vice President Sara Duterte ti nausar para iti medical ken food aid.
Maibasar kadagiti resibo nga insumite ti Office of the Vice President, rimwar a dagiti nasao a pondo ket nailatang kadagiti transaksyon a saan a maipalubos iti sidong ti agraraira nga allagaden.
Segun kenni Wamil, nalawag a mailabsing iti regulasyon ti panagusar ti confidential funds para kadagiti nasao nga items.
Dagiti resibo a naiprisinta iti Impeachment Court ket naglaun kadagiti nagan ken kantidad nga inawat:
Mary Grace Piattos – P70,000
Nova Piattos – P85,000
Renan Piattos – P110,000
Andy Lim – P50,000
Alejandro Pikit – P90,000
Feonna Biong – P80,000
Sisfrunio Balsac – P70,000
Mico Harina – P295,000
Janice Marie Revilla – P70,000
Patty Ting – P150,000
Gabriela Bisaya – P70,000
Segun iti House prosecution panel, dagiti nasao a dokumento ket agpapada nga opisyal ken pirmado ni VP Sara Duterte.
Innayon pay ni Atty. Kapunan, nga aprubado mismo ti bise presidente dagiti nasao a transaksyon.
