Kinarit ni National Bureau of Investigation (NBI) Director Melvin Matibag ni sigud a Negros Oriental Representative Jacinto ‘Jing’ Villegas Paras a paglibakan nu nakasao na metlaeng ti talent manager a ni alias “Ken” seknan ti mapapati a “honey trap” wenno ‘bugaw modus’ kontra kenni Executive Secretary Ralph Recto.
Maipalagip a kalpasan iti pannakakemmeg iti entrapment and rescue operation gapo iti panag-bugaw kadagiti lima a babbai ket kinuna ni “Ken” a ni Paras iti adda iti likudan ti character assassination kontra kenni Recto, idinto a ni Leviste met iti mapapati a nangpondo kadaitoy.
In-subpoena ti NBI da Paras ken Leviste para iti imbestigasyon. Saan da a nakadar-ay iti Huebes ken napaayaban da manen para inton Agosto 11, aldaw ti Martes.
Pinasingkedan ni Matibag a nadakamaten ti NBI dagiti uppat nga abogado a mapapati a karaman metlaeng iti gandat a panangdadael kenni Recto.
Nagtaud dagiti kadagiti dadakkel ken nalalatak a law office: dua kadakuada ket prominente nga abogado bayat a baro paylaeng iti serbisyo dagiti nabatbati, nga agpapada a mapaayaban inton Biernes para iti imbestigasyon.
