BR LA UNION – Timpuar ti tensiyon iti nagbaetan ti depensa ken prosekusyon kabayatan ti cross-examination iti testigo a ni Xylene Mae Del Campo manipud iti Commission on Audit (COA) iti maika-15 nga aldaw ti impeachment trial ni Bise Presidente Sara Duterte idi kalman, Miyerkoles, Agosto 12.
Dinillaw ni Prosecution counsel Atty. Lorna Kapunan ti kunana a panang-atipa ni Defense counsel Atty. Kristine Ferrer bayat nga agsasao pay laeng ti testigo.
Inreklamo met ti depensa ti saan a direkta a panangsungbat ti testigo kadagiti salodsod na a “yes or no.”
Impaganetget na nga adda iti gundaway ti prosecution counsel nga agsalodsod ti clarificatory questions iti redirect examination.
Ditoy a bimmallaet ni Presiding Officer Francis Escudero gapu iti arigna kunana a “generational divide” ti defense ken prosecution counsel.
Apagapaman a nagkalma ti tensiyon iti Impeachment Court idi imbaga ni Atty. Ferrer a nangato ti respeto na kenni Atty. Kapunan.
Banag a sinungbatan met ti private prosecutor a: “Let’s end here..It might sound like a eulogy, your honor, I’m still very much alive.”
