BR LA UNION – Pormal nga idineklara ti impeachment court kas “hostile witness” ni Gina Acosta, ti sigud nga Special Disbursing Officer (SDO) ti Office of the Vice President (OVP) kabayatan ti impeachment trial idi kalman, Agosto 17.
Gaputi dayta, impalawag ni Presiding Officer Chiz Escudero a mabalinen ti agusar iti “leading question” ni Private Prosecutor Atty. Amando Virgil Ligutan iti panagsalodsod na iti testigo.
Kabayatanna, nagbalin a nabara iti panagdengngeg idi sitaren ni Senator-Judge Erwin Tulfo ni Acosta ken obligaren nga agsao iti Tagalog ken Ingles.
Nagbalin kunana a nabuntog iti trial gaputi panangi-translate ti sarita manipud Bisaya iti tagalog ken Ingles, gaputi imbaga ti testigo a saan a sanay iti sabali a lengguahe.
Nangiruar met ni Tulfo ti kopya ti opisyal a transcript manipud iti napalabas a panagdengngeg ti House Committee on Good Governance tapno paneknekan a makapagsao ken makasungbat ni Acosta iti lengguahe a Tagalog.
