Impaganetget ni Senador Rodante Marcoleta a mabalin na latta nga aramiden ti trabaho na kas senator-judge iti impeachment court, karaman ditan iti panagbotos ken panangidatag iti manipestasyon, laksid ti pannakadetene na sadiay New Quezon City Jail.
Iti surat kada Senate President Win Gatchalian ken Presiding Officer Chiz Escudero, nagpasa ni Marcoleta kadagiti dua a manipestasyon: panagkontra iti pannakadutok kenni Escudero kas presiding officer ken panagsuporta iti 16-vote requirement para iti conviction ti impeachment trial.
Segun kenni Marcoleta, awanan isuna ti preventive suspension a makalapped iti legal a kapasidad na nga agbotos kas senator-judge. Nakadetene isuna ti kaso a plunder gapo iti naawat a donasyon ti kampanya idi 2022 elections.
Agtutluloy iti diskusyon seknan ti voting threshold iti impeachment court kalpasan a babalawen ni Senador Erwin Tulfo ti posibilidad nga “acquittal by default” nu makissayan pay dagiti senator-judges a makabotos.
Inimbitaran ti korte dagiti uppat a retirado a Supreme Court justices kas amici curiae tapno mangipaay ti eksperto a perspektibo iti isyu.
