Ad-adalen ti House prosecution panel nga ipaayab kas hostile witness ni Atty. Manases “Mans” Carpio, iti mismo nga impeachment trial ti asawa na a ni Bise Presidente Sara Duterte.
Segun kenni House Prosecutor Representative Terry Ridon, napateg dagiti testimonya ni Carpio iti Article II wenno alegasyon ti saan a mailawlawag a baknang ti Bise Presidente, nangruna nu agparang ti nagan na kadagiti bank accounts wenno dadduma pay a dokumento mainaig iti kaso.
Inlawlawg met ni Ridon a saan pay a karaman isuna kadagiti listaan ti testigo ken nasapa pay para ti prosecution panel a pagpatangan iti panangpaayab kenkuana.
Karaman kadagiti umuna a tallo a testigo para ti Article II ket isuda retired Sandiganbayan Presiding Justice Amparo Cabotaje-Tang, Ombudsman Records Division Officer-in-Charge Atty. Karen Batu, ken Securities and Exchange Commission official Atty. Gerardo del Rosario.
Mangrugi inton Setyembre 14 iti panangidatag ti Prosecution iti ebidensya para ti Article II, a nakapamaysa ti alegasyon ti saan a mailawlawag a baknang – karaman ditoyen dagiti banks, taxes, corporates, ken dadduma pay a financial records a konektado kenda Duterte ken Carpio.
