BR LA UNION – Tinakderan iti Commission on Elections (Comelec) a matuloy iti 2026 Barangay ken Sangguniang Kabataan Elections (BSKE) inton Nobyembre 2.
Segun kenni COMELEC Chairman George Garcia, nga agingga nga awan ti linteg a mangibaga a maitantan iti eleksiyon ket saan da nga agsardeng nga agsagana para iti nasao nga aktibidad.
Agtultuloy ti panagsagana da nangruna iti panangibunong ti election materials iti adayu a lugar.
Agkasapolan da ita ti mas nalawlawag a desisyon agingga Setyembre 28 tapno marugyan dan ti agibunong iti election materials.
Intalek metten ni Commissioner Garcia kadagiti mammanday linteg iti pagbanagan ti Barangay ken Sangguniang Kabataan Elections nu daytoy ket maituloy wenno maitantan.
Kabayatanna, kinumpirma ti komisyuner nga addan ti lead nu siasino dagiti adda iti likod ti pre-shaded ballots idiay Maluso, Basilan.
