Nag-walkout ti kaadwan kadagiti delegado a dimmar-ay iti United Nations General Assembly idiay New York, United States of America sakbay pay iti panagbetla ni Israeli Prime Minister Benjamin Netanyahu.
Saan nga umanamong ti kaadwan a pagilian iti panagraut ti Israel ken Estados Unidos idiay Iran. Nupay kasta ket intuloy latta ni Netanyahu iti panagbetla na iti sangwanan dagiti nabatbati a delegado.
Kinunana a rumbeng ket nagyaman pay dagiti nagduduma a pagilian para iti Israel agsipud ta nu saan da a rinaut iti nuclear facilities ti Iran ket posible nga adu kadakuada iti natay.
Impannakkel na pay iti waragawag ni US President Donald Trump a naballigi a dinadael iti operasyon da iti military ken nuclear capabilities ti Iran.
Segun kenni Netanyahu, karaman kadagiti kalaban iti Israel ket ti Hamas, Hezbollah, Houthis, Iran, ken dadduma pay a grupo a nabase idiay Iraq, Syria ken Palestine.
Innayon na nga awan iti nagbalin da a natibker a kaalyado nu ketdi iti Estados Unidos.
