Pinalagipan ti Department of Migrant Workers (DMW) dagiti Overseas Filipino Worker (OFW) sadiay Middle East, partikular idiay Saudi Arabia, nga agganad iti panangiwaras ti impormasyon iti social media iti tengnga ti agraraira a tensyon iti rehiyon.
Kasaruno daitoy iti naipadamag a panag-raut idiay King Khalid International Airport idi Oktubre 10, 2026 a nangigubuay ti panagdanag iti seguridad dagiti umili a Pilipino.
Impaganetget ni DMW Secretary Hans Leo J. Cacdac a nainget dagiti agraraira a protocol iti Kingdom of Saudi Arabia kontra kadagiti false information wenno saan a kumpirmado a damag.
Bilin ti sekretario kadagiti OFW a liklikan ti panangibinglay ti personal nga opinyon tapnu saan a mairaman iti trabaho ken panagtalinaed da iti nasao a pagilian.
Nagpakdaar da met iti panaglabsing kadagiti nasao a linteg ket mabalin a mangigubuay ti nadagsen a pannusa kas ti pannakabalud wenno deportasyon.
Gapu iti daitoy, nagpanawagan iti DMW kadagiti mangmangged a mangala laeng ti impormasyon manipud kadagiti opisyal ken mapagtalkan a sanggunian mainaig iti sitwasyon ti seguridad.
