Agtultuloy a kumap-kapsot iti Bagyo Rosal bayat nga umad-adayun iti teritoryo ti pagilian.
Naudi a nasaripatpatan iti sentro ti mata ti bagyo iti kaadayu a 305 kilometro, amianan-a-daya ti Itbayat, Batanes.
Kabuybuyog na ti angin a 155 km/h asideg iti sentro ken kapegges a dumanon iti 190 km/h.
Bimmuntog iti garaw ti Typhoon Rosal a 10 a kilometro kada oras bayat nga agtur-turong iti amianan-a-palaud.
Nakabayog pay laeng ti tropical cyclone wind signal no. 2 idiay Batanes ken northeastern portion ti Babuyan Islands (Babuyan Is., Panuitan Is., Calayan Is., Camiguin Is.)
Bayat a ti tropical cyclone wind signal no. 1 ket nakaibayog idiay: nabatbati a paset ti Babuyan Islands, mainland Cagayan, northeastern portion ti Isabela (Maconacon, Divilacan, Santa Maria, Cabagan, San Pablo, Palanan), Ilocos Norte, ken Apayao.
Iti forecast track, ti bagyo ket namnamaen a rumwar iti Philippine Area of Responsibility (PAR) inton rabii (October 23) wenno bigat ti Sabado (October 24).
Iti sumaruno a 24 nga oras, namnamaen nga agtultuloy ti panagkapsot na agingga nga agbalin laengen a tropical storm inton rabii ti Sabado, Oktubre 24, 2026.
