Impasigurado ti Bureau of Fisheries and Aquatic Resources (BFAR) nga umdas iti suplay ti lames ditoy pagilian laksid ti kumarkaro nga epekto ti El Niño a namnamaen nga agpaut agingga umuna a quarter ti tawen 2027.
Segun kenni BFAR Spokesperson Nazario Briguera, agsagsagana iti ahensya dagiti addang tapnu maliklikan iti fish kill ken mapagtalinaed iti produksyon.
Kabayatanna, dinepensaan ni Briguera iti temporario nga importasyon ti lames kada closed fishing season wenno didigra tapnu makatulong a mapagtalinaed a makabael iti presyo kadagiti merkado.
