Kinumpirma ti maysa a prosecution witness a saan a kabilang ni sigud nga House Speaker ken Leyte Representative Martin Romualdez iti listaan dagiti proponent ti flood control projects nga adda pakainaiganna iti maipagarop a P7.4-bilyon a plunder case kontra kenkuana.
Iti panagdengngeg idiay Sandiganbayan Third Division, kinuna ni DPWH engineer Carlo Rivera a nakolekta ken intulod na iti maipagarop a P5 bilyon a commitment fees wenno kickback manipud kadagiti kontratista kenni sigud a Department of Public Works and Highways Bulacan First District Engineer Henry Alcantara, nga idi agangay ket naipasa kenni sigud nga Ako Bicol party-list representative Zaldy Co.
Segun kenni Rivera, ni Co ti nangibunong ti pondo kadagiti proponent ti flood control projects, kabilang ti bagi na, ni sigud a Department of Public Works and Highways Undersecretary Roberto Bernardo, Senator Jinggoy Estrada ken sigud a Senator Ramon Bong Revilla Jr.
Nupay kasta, imbaga na a ni Alcantara ti nangted kenkuana ti listaan dagiti proponent.
Maipagarop a napasamak iti panagkolekta ti commitment fees manipud 2022 agingga 2025.
