Dimmanonen iti 30 a tattao ti natay kalpasan a nagdinnungpar ti dua nga high-speed train idiay Spain ita a Mierkoles, iti maikadua nga aksidente a napasamak nga awan pay ti maysa a tawen iti ruta a mangikonkonektar iti Madrid ken Andalusia.
Impakdaar dagiti otoridad a mabalin pay nga umadu ti bilang dagiti natay bayat nga agtultuloy ti panangsungbat iti nasao nga insidente.
Segun iti maysa a pasahero, nakanggegda ti napigsa a panagngaretnget ken impact a nagpaut iti agarup 10 a segundo sakbay a nadlawda ti napasamak nga aksidente.
Napasamak ti insidente siam a bulan kalpasan ti sabali manen nga aksidente iti isu met laeng a ruta, a nakatayan ti 46 a tattao.
Ti immun-una nga aksidente ket nangpataud kadagiti saludsod maipapan iti pannakamantener dagiti riles iti nasao a pagilian.
