Nakailista ti baro a Guinness World Record iti maysa a grupo dagiti chef idiay Guatemala kalpasan a makaisagana ti kadakkelan a fiambre salad iti intero a lubong nga agdagseng ti 4,325.9 pounds wenno nasurok 1,962 kilo.
Indauluan ti food company a Toledo Alimentos iti record attempt idiay Guatemala City, nu sadunno pinagkakadua da iti mapatta-patta a 4,000 pounds ti karne ken nateng tapnu makabukel ti higante a salad.
Karaman kadagiti sangkap daitoy iti itlog, cold cuts, sausage, mais, bell pepper, lettuce, sibuyas, ken dadduma pay a klase ti karne ken nateng.
Naisayangkat iti aktibidad kas paset ti panagsagana ti panagramvak ti All Saints’ Day tunggal Nobyembre uno ken All Souls’ Day tunggal Nobyembre dos.
Paset met ti tradisyon idiay Guatemala iti panagsagana ti fiambre salad tunggal kastoy a panawen kas panaglaglagip kadagiti pimmusay nga ay-ayaten iti biag.
Kalpasan a timbangen ken sukimaten ti pannakibagi ti Guinness World Records, naiwaras iti higante a salad kadagiti nakipaset ti panagtitipon a sinabayan pay ti live music, tradisyonal a panag-dait, ken dadduma pay nga aktibidad pangkultura ti pagilian.
