Kinedkedan ti Philippine National Police iti panawagan nga agusar ti “shoot-to-kill” approach iti panangipatungpal ti warrant of arrest kontra kenni Senador Ronald “Bato” Dela Rosa.
Segun kenni PNP chief General Jose Melencio Nartatez Jr., pagrebbengan da nga ipatungpal ti linteg, saan ketdi nga agtignay a maikontra iti linteg.
Impaganetget na a rumbeng a masurot iti amin nga operasyon iti due process, karbengan pantao ken rule of law.
Daytoy ket kasaruno ti panagwaras iti peke a quote card iti social media a mangibagbaga a nagpanawagan ni Cagayan de Oro Rep. Lordan Suan ti “shoot-to-kill” kontra iti senador.
Pinaglibakan met daytoy ni Suan ken imbaga na nga awan ti inaramid na a kasta a waragawag.
Kabayatanna, immandar ni Nartatez kadagiti police unit nga itultuloy iti intelligence gathering ken monitoring tapno maamwan iti lokasyon ni Dela Rosa, a sumangsango iti warrant of arrest gaputi kaso a crimes against humanity idiay ICC.
Adda pay nakapatong a 50-milyon pisos a gunguna para iti impormasyon a mangintuda ti pannaka-arestar ti pugante a mammanday linteg.
